埃及阿拉伯共和國

係喺亞洲西南同非洲東北交界一個國家，大部份地區喺非洲，蘇彝士運河以東嘅西奈半島就喺亞洲。東面有紅海，東北係以色列同巴勒斯坦，南面係蘇丹，西面係利比亞，北面係地中海。總面積 102萬平方公里。

埃及國教係遜尼派伊斯蘭教，國民亦有信基督教同其他宗教；官方語言係阿拉伯話，亦通用英文同法文。


歷史
內文： 埃及史 同 古埃及歷史

埃及係世界四大文明古國之一。


* 公元前3100年：出現統一嘅王國，即係古埃及。
* 公元前11－前1世紀：先後被亞述、波斯、馬其頓同埋羅馬帝國征服。
* 公元4—7世紀：羅馬帝國分裂，埃及歸入東羅馬帝國（拜占庭帝國），係佢最富庶嘅行省。
* 公元7世紀中期：阿拉伯人入侵，建立阿拉伯帝國。
* 1249年：開始由馬木魯克軍團（僱兵）統治。
* 1517年：被奧斯曼土耳其征服。
* 1798年-1801年：一度被拿破侖佔領，其後被英土聯軍擊退。
* 1882年：被英國軍隊佔領。
* 1914年：英國成為埃及嘅保護國。
* 1922年2月28日：英國被逼承認埃及獨立，但繼續保留對佢國防、外交、少數民族嘅話事權。
* 1952年：納賽爾領導「自由軍官組織」發動政變，推翻法魯克王朝。
* 1953年6月18日：廢除帝制，成立「埃及共和國」。
* 1956年：將蘇彝士運河收為國有，引發同英、法、以色列嘅蘇彝士危機。
* 1958年2月：埃及同敘利亞合併，成立聯合阿拉伯共和國。
* 1961年9月：敘利亞脫離阿拉伯聯合共和國。
* 1971年9月：改國名做「埃及阿拉伯共和國」。